قبلْ كل شيء عيدكم مبروك الجماعة الكل وانشاء الله تعيشو لأمثالو نكايةً في الأعداء و لأجل الأصدقاء .. ما نكذبش عليكم انا مانيش قدْ بَعـــــــــــــــــــــــــــــــــــضِي رغم إللي سلكتها في المصروف في شهر رمضان و بلْفتط العايلة في مصْيافة بحيث خيّرتهم مابين كسوة باهية وحضور عرس في البلاد و إلا مصيافة ع البحر..و بعد تفاوض عسير استعملت فيه خبرة 20 سنة في النقابة متاع المؤسسة وبعد ما ازراقت الدنيا و احمارت قرّر وزير الدّاخلية اللي هي الحرم المص
ون الكسوة و حضور العرس على مِصْيافة...انا ربحت جولة المفاوضات هاذي لأني في كل الحالات لازمني نحضر العرس سواء مشيت للمصيافة و إلاّ لا على خاطر العرس عرس خويا الصّغير ولو كانت المدام اختارت هية و البنات مصيافة راهم ضربو عصفورين بحجرة واحدة، يعني راهي رسّــت للحلاج فِ مصاريف المصيافة و العرس وكِسْوتو...الحاصيلو الحظ لعب معايا و لأول مرّة المدام ماتفيقش بالحكاية و زعمة زعمة خدّمت مخّها و ضربت في النومرو الصحيح و اختارت العرس و الجوّ وكسوة جديدة...خوكم الحلاّج طفّيتْ الضوْماحبيتشْ نظهّــر فرحتي و حسبت روحي متغشّش على خاطر مصاريف العرس إللي باش نتكبدها و الديون اللي باش تترتب عليها و كان تفيق اللي انا فرحان توّة تبدل رايها.... وانا هكّاكة و الزّوالي معاه ربّي و عندي خويا الأخر اللي يعيش في الخارج عندو 4 سنين ما روّحش قال صبّ الزّيت وهو في المطار عمللي تليفون و قاللي راني توّة هبطت مِ الطيّاره و قاللي انو سويعة من زمان يكون حذايا في الدّار باش يرتاح شوية من التعب متاع السّفر (جاء من كندا يحب يحضر للعرس).... كلمت المرا قلتلها حضّري حويجة راهو خويا باش يجي و مشيت خذيت بزايد غلة و البنات فرحو ياسر على خاطر عندهم 4 سنوات بالتمام و الكمال ما قعدوش مع عمّهم اللي يحبوه برشة على خاطر هو بالذات قافز ومتسامح برشة وما عندوش تنقنيق العرب و مودرن ياسر و يهوّن على روحو المصروف و يلبس آخر صيحة الحاصيلو بالنسبة ليهم عمّ يركّب 66 كيف، نحنا هكّاكة و التاكسي حَبْستْ قدّام الدّار هبط سي خويا و هبّط الفليجة الأولة و الثانية و الثالثة ومعاهم صاكّ كبير و صاشي فيه 3 كراطش مارلبورو و3 دبابز ويسكي ..ما نكذبش عليكم عينيّ حوالت على دبّوزة ويسكي ..وقلت في قلبي :اسمع يا حلاّج خوذ بايتكْ على بِكْري " حتّى من ضرْبْ العَِصا " أول ما هبطت هبطْت على دبوزة تيكي نوارْ على خاطر كان قعدت نستنّى ما نجْـملْ على شيء الجماعة في البلاد يستناوْ كي القطاطس ..و دبّوزة في ها العرس خيرلي من ألفْ حاجة و حاجة خذيت الدبوزة و حطيتها في بيت النوم بعيدا عن كل مكروه و اجتناباً للعيون..من بعد ما درّقت الدبوزة قعدتْ حذى خويا نسأل فيه على احْواًلو و على كندا وسألتو ع المطر صبّــتْ عندهم و إلاّ لاً وثمّة حشيش وإلاّ لا والقرْط و التّبِنْ غالي كيما في تونس و لحم البقـْرِي و الغازْ قدّاشْ يسْوى و زادوهم في الأسعار و إلاّ لا وعندهمشْ كْــنـــــامْ كي متاعنا؟؟؟؟ برْشة سؤالات أخْرى نسيتها..من بعد ما كلى طرْفْ و شرب شوية سيترون مْشى رقدْ ...وصّى قال ما تفيّقونيشْ راني تاعبْ برْشهْ ..يومْة غُدْوهْ قام فطرْو قاللْي هياّ يا سيدي نقصدو ربّي و نروّحُو للبلاد الوالده راهي تسْتنّى...كلّمْتْ صاحبي وهو سائق سيّارة أجرة باش يجيني للدار و يخلْـلّي اللوَّاجْ فارغةعلى ذمّتنا ، قللي في ظرف سويعتين نكونْ حذاكْ...احنا نستناوْ فِ اللُّوّاجْ و خويا حال الفليجة الزّرْقة و جبدْ كسوة للعبد لله و 2 قصايصْ للمدامْ و دبّوزة برْفان و عطى للبنات كل واحدةْ م شِيميزْيي و بودي و زوز سراول واحد دجينْ و واحدْ قمْراية و هذا ما هو شونبوان سينيي و تفاتفْ اخري الحلاج ما يفهمشْ فيها ..إللي لا حظْتو انّو البنات فرحُو بهاكْ التفاتفْ اكثرْ من الكساوي...خوك الحلاّج تفرهدْ...و قلتْ في قلْبي هانِي ارتحْتْ منْ كِسْوة العِرسْ يا والله فضلْ من عند ربّي ...الحقّ ما كنتشْ حاطْ ها الحسْبة في بالي زدت خوكم فرحت و قلت لخويا :" يا ولْدي علاشْ تعّبْ في روحكْ نحْنَُا حاجتنا بوجهكْ 
فقطْ" قاللي خويا ما هيش خسارة فيكْ هاني حاجة "عندكشْ عندي" للبنات حوايجْ شْريتهم في الصولدْ متاع كندا..و غادي كي تقولْ صُولْدْ معناها صولد موش كي تونس متاع وذْني يقولو صولد و يكذبو...قُتلو و الله صحيحْ بالحرام لا مرّة في حياتي خذيت حاجة في الصولد تي حتّى كان ثمّة صولد راهو للحوايجْ القديمة و الدّيمودي..نحنا هكاكة و الّلواجْ زمّرتْ خرجتْ سلمت على السائق ، الرّاجل ولدْ بلادْ و خوه قريت معاه و براسِكْ من حومة واحدهْ و ملّي نحْنا صغار يا ما كوّرنا مع بعضنا..استدعيتو للفطور قاللي ياخي الفطور باش يزيدنا معْرفه اعطيني كاس تاي و دبّوزة ماء باردة و هيّا نقْصدوُ ربِي..شدّيت فيه الصحيح باش ياكل ما كتبْ من ربي.. وَ لىّ من بعد إلحاحْ هبطْ و حطّينا الطاولة و كلينا الموجودْ و شربنا كاس تايْ و شدّينا الثنية من بعد ما هزينا معانا 2 دبابزْ ماء على خاطر الشهر جويلية و السخانة ما ترحمْشْ......... وفى العرس وكل شيء تمْ على خيرْ..حتّى من المصاريف سلّكتها رميت حويجة في الحنة حكاية فارغة 50 دينار ما يجيش حتى حقّ صباط للمدام و بالطبيعة المْرا سألتني قداش رميتْ قلتها 10 دينارات..و انا منينْ جاني؟؟؟؟ عريانْ يسْلبْ في ميّتْ...ياخي ناس تعرّسْ و ناسْ تتهرّسْ..من بعد ما تهنّاتْ اللي انا دفعْتْ حاجة قليلة قاتْلِي: وُوووه 10 ديناراتْ موشْ شويّة علاشْ موش 20 و إلاّ 30 دينار آشْ يقولو علينا النّاسْ ..زعمة زعْمة خوه جاء من تونس و مهندس و نقابي و لدْ ريفْ و يدفع زوزْ صورْدي؟؟؟؟ هذا حديث؟؟؟؟ قلتلها خويا يعرف ظروفي و يعرفني كرّايْ و نجري على عيلهْ دونْكْ موش باش ياخذّ في خاطرو منّي ياخي تحسابو كي خوكْ إِنْتي زعمة نشرنا عً الجريدة رغم إللي عطيناه كادو محترم ( روبو) ودفعنا 20 دينار في الحنّة... توّة هذي الكلة هدْره فارغة...حبيت نقولْ اللي انا سلّكتها في ها الصيف هذا و خرجت بأضرار
خفيفة جدّا يعني جِـــلــديّــة رغم العرْس و مشاكلُو و رمضان و مْصاريفُو و دخول المكتبْ لأن الشركة هزّتْ معانا وذتنْ القفّة و شرات لينا تقريبا 70 في100 من الكرارسْ الكُتبّة معناها كملتْ انا الباقي من الأدوات المدرسية و المنادل و المحافظ و أمور اخرى كيما الزيّ الرياضي و هاك التنابر و الأسيرونسْ ..... في المقابل يا جماعةْ فضلت شوية صواردْ... إيييييييييييييه نعمْ....لأني انا ماكنتشْ حاط في حسابي انو مصاريف الصّيف و رمضان باش تخرج هكاكة..لاوّل مرّة نحسبْ وحْدي و نطلع رابحْ خرجت منها خوكمّ كي الشعرةْ من العجين و معايا حِثْوالة قدها 650 دينار مع صفر دُيونْ(من شهر مارس و انا نلمّ فيهم)....فجأةً تفكرتْ إللي الفريجيدار كمّل ما عادشْ فيه و أومورُو تاعبة و يفسّد في الماكلة إللي تحطها فيه باش يبرّدهاعلى خاطر عمرو 19 سنة و الآ أكثرْ....يا سيدي ما نقلكشْ شريتو عام التحوّل المبارك في شهر ديسمبر...شريتو في الشتاء على خاطر سُوموهبط شوية وقتها ما كانش تمّة التقسيط المريح بحيث خديتو ب 380 دينار كارطة تحكّ كارطة...توة عندو عامين ولّى ياكل في الضوْ كي قناة 7 و، ولّتْ الفاتورة تجي قارصة ماركة 90 هو 120 دينار مع زايدْ غلّو في كيلو الضوْ الأمور ولّتْ ما تعْجبش...وهايْ التلفزة متاعنا تحكي على الإقتصاد في الطاقة و عدم التبذير في استعمال الماء..بالنسبة للماء ما عنديش جرْداء و لا قازونْ و لا عندي كرهبة باش نغسلها قدّام الدار..ارتحتْ بالنسبة للفريجيدارْ يا حلاج راهو وقيّتْ...لكن ها المرّة هاذي باشْ ناخذ حاجة باهية موش كي فريجيدار العرس متاع كعورْ واعطي للْعْوِرْ على خاطر ديمة لَحْمات العيد الكبير يفسدو من الفريجيدار متاعي صغيرْ و قديم و المدام ديمة تقوكللي : يا ولدي بدّلو و انا عامل فيها مغْنانِي...خبيت الصّواردْ في البـــانكة باش ما نكسّرهمشْ و قلت نزيد عليهم البريمْ متاع راسْ العامْ و كي العادة في الشتاء تهبط أسْوامْ الثلاجات نشري وحيّدْ ماركة باهية تشدّني 20 سنة أخرى...آكهو ..650 دينارْ و نْزيدهم 250 دينار يجيوْ 900دينار وكان لزمْ نتسلّف 100 دينار أخرى يجيبولي فريجيدارْ باهي.... و من بعدْ تفكْرْتْ يلزمْ نشريه قبل العيد الكبير باش اللحم متاع العلوشْ ما يفْـسدشْ على كل حال حتى العيد الكبير يجي في ديسمبر...دونْكْ المشْكلة محلولة..انا شاري الثلاجة مهما كانت الأسباب و رغم الداء و الأعداء و رغم غلاء الأسعار " فلو تعلّقت همّة المرء بما وراء العرش لناله" فما بلك يا حلاّج و انت تعلقت همّتك بثلاّجة؟؟؟؟؟ موشْ هذا بيت القصيد...، لقد صغرتْ في عين العظيم عظامها ..فلقد صغُرَ تْ الثلاّجة في عيني..لكن يا جماعة ها النهاراتْ هام يحكو على أزمة إقتصادية في أمريكا وصلت حتى لأوروبا و هاوْ بوش رفضولو مقترح الإصلاح في الكنغرس و وول ستريت في أزمة كبيرة و حتى ساركوزي قالكْ عْملْ إجْتماع بجماعة البنوك متاعْ فرنسا و ما بوشْ يسمعُولو حتى دعْوى و كلاتْ بعضها في بنوك العالم و ولتْ الحكاية قارصة شويّة المسألة باشْ تفوت أزمة 1929 متاعْ هاك العام...و احنا في تــــــونــــــس هام طالسِينْ و كلمة لا ..زمعة نحنا إقتصادنا بعيد على ها الحكايات الماسطة إللي نسْمعُو فيها في الأخبار...إقتصادنا محصّنْ لها الدرجة؟؟؟؟؟؟؟ تفكّر خوكم الحلاّج صواردو إللي في البانكة و هرب عليا النوم و بايت نخمم...باهي يا سيدي كي غدوة البانكة تصكّ صكة وحْدة و تقوللي إللي الله غالب بحكم ها الأزمة الإقتصادية إللي تعيشها أمريكا " أمّنا الحنون" راهو اضطرينا باش المدخرات المالية متاعك ومتاع الحرفاء الكرام اللي كيفي باش نتسلفوهم حتى يدورْ الزّيرو و تتفرهدْ الأمور و توّة نرجعهملكم انشاء الله بفائض مالي عالي جدا...ياخي موش قالو اللي الفلوس متاع 26/26 ندفعو فيها بعنوان سلفْ اوّل مرّة و تاوْ نحوهم من الأدءات اللي ندفعوهم كل عامْ للقباضة ؟؟؟ ويني الحكاية؟؟؟ما ثمّاش منها...تي بالحرام فرنْكْ لارجع لينا..... اسمع يا حلاج ما ترقدشْ على وذنيكْ، خمّمْ بلْقدا...راهي الزلْقة بفلْـقة..و راهو كان لمُّولكْ على الصّواردْ راهو بهيمْ و قدمْ قرْعة و اشْكي اشْكونْ باشْ يسمعكْ..انت لوّلْ و وإلا لخّرْ؟؟؟؟؟؟؟ خمّمت قرّرْت قرار لا رِجْعة فيه ...نهار الجمعة الحيْ..عَ الصباحْ نمْشي نجبدْ صْواردي و لاتباتْ ا لبانكة معلّمي و لا نباتْ صانعها...لكن آش باش يوصلني لنار الجمعة يا ولله عمْلة مشومة عملْتها في روحي ..واشْ باشْ نعمل في الفريجيدارْ...الله يهلككْ يا بوشْ فسّدتْ عليَّ العيد... و يا ربي بجاه ها العواشرْ وسيدي عبد القادر البغدادي تخلي الأمور هكاكة لنهار الجمعة للعشرة متاع الصّباحْ حتّى أللي نجْبِدْ فلوسي ...و من بعدها لا يــرْفــعْ فــاسْ على هــراوةْ انشاالله تسكر وول ستريت و تدقدق امريكا و معا
ها فرانسا خوكم انا صواردي تحتي و هوما لا يفكّرْ بيهم.....
ون الكسوة و حضور العرس على مِصْيافة...انا ربحت جولة المفاوضات هاذي لأني في كل الحالات لازمني نحضر العرس سواء مشيت للمصيافة و إلاّ لا على خاطر العرس عرس خويا الصّغير ولو كانت المدام اختارت هية و البنات مصيافة راهم ضربو عصفورين بحجرة واحدة، يعني راهي رسّــت للحلاج فِ مصاريف المصيافة و العرس وكِسْوتو...الحاصيلو الحظ لعب معايا و لأول مرّة المدام ماتفيقش بالحكاية و زعمة زعمة خدّمت مخّها و ضربت في النومرو الصحيح و اختارت العرس و الجوّ وكسوة جديدة...خوكم الحلاّج طفّيتْ الضوْماحبيتشْ نظهّــر فرحتي و حسبت روحي متغشّش على خاطر مصاريف العرس إللي باش نتكبدها و الديون اللي باش تترتب عليها و كان تفيق اللي انا فرحان توّة تبدل رايها.... وانا هكّاكة و الزّوالي معاه ربّي و عندي خويا الأخر اللي يعيش في الخارج عندو 4 سنين ما روّحش قال صبّ الزّيت وهو في المطار عمللي تليفون و قاللي راني توّة هبطت مِ الطيّاره و قاللي انو سويعة من زمان يكون حذايا في الدّار باش يرتاح شوية من التعب متاع السّفر (جاء من كندا يحب يحضر للعرس).... كلمت المرا قلتلها حضّري حويجة راهو خويا باش يجي و مشيت خذيت بزايد غلة و البنات فرحو ياسر على خاطر عندهم 4 سنوات بالتمام و الكمال ما قعدوش مع عمّهم اللي يحبوه برشة على خاطر هو بالذات قافز ومتسامح برشة وما عندوش تنقنيق العرب و مودرن ياسر و يهوّن على روحو المصروف و يلبس آخر صيحة الحاصيلو بالنسبة ليهم عمّ يركّب 66 كيف، نحنا هكّاكة و التاكسي حَبْستْ قدّام الدّار هبط سي خويا و هبّط الفليجة الأولة و الثانية و الثالثة ومعاهم صاكّ كبير و صاشي فيه 3 كراطش مارلبورو و3 دبابز ويسكي ..ما نكذبش عليكم عينيّ حوالت على دبّوزة ويسكي ..وقلت في قلبي :اسمع يا حلاّج خوذ بايتكْ على بِكْري " حتّى من ضرْبْ العَِصا " أول ما هبطت هبطْت على دبوزة تيكي نوارْ على خاطر كان قعدت نستنّى ما نجْـملْ على شيء الجماعة في البلاد يستناوْ كي القطاطس ..و دبّوزة في ها العرس خيرلي من ألفْ حاجة و حاجة خذيت الدبوزة و حطيتها في بيت النوم بعيدا عن كل مكروه و اجتناباً للعيون..من بعد ما درّقت الدبوزة قعدتْ حذى خويا نسأل فيه على احْواًلو و على كندا وسألتو ع المطر صبّــتْ عندهم و إلاّ لاً وثمّة حشيش وإلاّ لا والقرْط و التّبِنْ غالي كيما في تونس و لحم البقـْرِي و الغازْ قدّاشْ يسْوى و زادوهم في الأسعار و إلاّ لا وعندهمشْ كْــنـــــامْ كي متاعنا؟؟؟؟ برْشة سؤالات أخْرى نسيتها..من بعد ما كلى طرْفْ و شرب شوية سيترون مْشى رقدْ ...وصّى قال ما تفيّقونيشْ راني تاعبْ برْشهْ ..يومْة غُدْوهْ قام فطرْو قاللْي هياّ يا سيدي نقصدو ربّي و نروّحُو للبلاد الوالده راهي تسْتنّى...كلّمْتْ صاحبي وهو سائق سيّارة أجرة باش يجيني للدار و يخلْـلّي اللوَّاجْ فارغةعلى ذمّتنا ، قللي في ظرف سويعتين نكونْ حذاكْ...احنا نستناوْ فِ اللُّوّاجْ و خويا حال الفليجة الزّرْقة و جبدْ كسوة للعبد لله و 2 قصايصْ للمدامْ و دبّوزة برْفان و عطى للبنات كل واحدةْ م شِيميزْيي و بودي و زوز سراول واحد دجينْ و واحدْ قمْراية و هذا ما هو شونبوان سينيي و تفاتفْ اخري الحلاج ما يفهمشْ فيها ..إللي لا حظْتو انّو البنات فرحُو بهاكْ التفاتفْ اكثرْ من الكساوي...خوك الحلاّج تفرهدْ...و قلتْ في قلْبي هانِي ارتحْتْ منْ كِسْوة العِرسْ يا والله فضلْ من عند ربّي ...الحقّ ما كنتشْ حاطْ ها الحسْبة في بالي زدت خوكم فرحت و قلت لخويا :" يا ولْدي علاشْ تعّبْ في روحكْ نحْنَُا حاجتنا بوجهكْ 
فقطْ" قاللي خويا ما هيش خسارة فيكْ هاني حاجة "عندكشْ عندي" للبنات حوايجْ شْريتهم في الصولدْ متاع كندا..و غادي كي تقولْ صُولْدْ معناها صولد موش كي تونس متاع وذْني يقولو صولد و يكذبو...قُتلو و الله صحيحْ بالحرام لا مرّة في حياتي خذيت حاجة في الصولد تي حتّى كان ثمّة صولد راهو للحوايجْ القديمة و الدّيمودي..نحنا هكاكة و الّلواجْ زمّرتْ خرجتْ سلمت على السائق ، الرّاجل ولدْ بلادْ و خوه قريت معاه و براسِكْ من حومة واحدهْ و ملّي نحْنا صغار يا ما كوّرنا مع بعضنا..استدعيتو للفطور قاللي ياخي الفطور باش يزيدنا معْرفه اعطيني كاس تاي و دبّوزة ماء باردة و هيّا نقْصدوُ ربِي..شدّيت فيه الصحيح باش ياكل ما كتبْ من ربي.. وَ لىّ من بعد إلحاحْ هبطْ و حطّينا الطاولة و كلينا الموجودْ و شربنا كاس تايْ و شدّينا الثنية من بعد ما هزينا معانا 2 دبابزْ ماء على خاطر الشهر جويلية و السخانة ما ترحمْشْ......... وفى العرس وكل شيء تمْ على خيرْ..حتّى من المصاريف سلّكتها رميت حويجة في الحنة حكاية فارغة 50 دينار ما يجيش حتى حقّ صباط للمدام و بالطبيعة المْرا سألتني قداش رميتْ قلتها 10 دينارات..و انا منينْ جاني؟؟؟؟ عريانْ يسْلبْ في ميّتْ...ياخي ناس تعرّسْ و ناسْ تتهرّسْ..من بعد ما تهنّاتْ اللي انا دفعْتْ حاجة قليلة قاتْلِي: وُوووه 10 ديناراتْ موشْ شويّة علاشْ موش 20 و إلاّ 30 دينار آشْ يقولو علينا النّاسْ ..زعمة زعْمة خوه جاء من تونس و مهندس و نقابي و لدْ ريفْ و يدفع زوزْ صورْدي؟؟؟؟ هذا حديث؟؟؟؟ قلتلها خويا يعرف ظروفي و يعرفني كرّايْ و نجري على عيلهْ دونْكْ موش باش ياخذّ في خاطرو منّي ياخي تحسابو كي خوكْ إِنْتي زعمة نشرنا عً الجريدة رغم إللي عطيناه كادو محترم ( روبو) ودفعنا 20 دينار في الحنّة... توّة هذي الكلة هدْره فارغة...حبيت نقولْ اللي انا سلّكتها في ها الصيف هذا و خرجت بأضرار
خفيفة جدّا يعني جِـــلــديّــة رغم العرْس و مشاكلُو و رمضان و مْصاريفُو و دخول المكتبْ لأن الشركة هزّتْ معانا وذتنْ القفّة و شرات لينا تقريبا 70 في100 من الكرارسْ الكُتبّة معناها كملتْ انا الباقي من الأدوات المدرسية و المنادل و المحافظ و أمور اخرى كيما الزيّ الرياضي و هاك التنابر و الأسيرونسْ ..... في المقابل يا جماعةْ فضلت شوية صواردْ... إيييييييييييييه نعمْ....لأني انا ماكنتشْ حاط في حسابي انو مصاريف الصّيف و رمضان باش تخرج هكاكة..لاوّل مرّة نحسبْ وحْدي و نطلع رابحْ خرجت منها خوكمّ كي الشعرةْ من العجين و معايا حِثْوالة قدها 650 دينار مع صفر دُيونْ(من شهر مارس و انا نلمّ فيهم)....فجأةً تفكرتْ إللي الفريجيدار كمّل ما عادشْ فيه و أومورُو تاعبة و يفسّد في الماكلة إللي تحطها فيه باش يبرّدهاعلى خاطر عمرو 19 سنة و الآ أكثرْ....يا سيدي ما نقلكشْ شريتو عام التحوّل المبارك في شهر ديسمبر...شريتو في الشتاء على خاطر سُوموهبط شوية وقتها ما كانش تمّة التقسيط المريح بحيث خديتو ب 380 دينار كارطة تحكّ كارطة...توة عندو عامين ولّى ياكل في الضوْ كي قناة 7 و، ولّتْ الفاتورة تجي قارصة ماركة 90 هو 120 دينار مع زايدْ غلّو في كيلو الضوْ الأمور ولّتْ ما تعْجبش...وهايْ التلفزة متاعنا تحكي على الإقتصاد في الطاقة و عدم التبذير في استعمال الماء..بالنسبة للماء ما عنديش جرْداء و لا قازونْ و لا عندي كرهبة باش نغسلها قدّام الدار..ارتحتْ بالنسبة للفريجيدارْ يا حلاج راهو وقيّتْ...لكن ها المرّة هاذي باشْ ناخذ حاجة باهية موش كي فريجيدار العرس متاع كعورْ واعطي للْعْوِرْ على خاطر ديمة لَحْمات العيد الكبير يفسدو من الفريجيدار متاعي صغيرْ و قديم و المدام ديمة تقوكللي : يا ولدي بدّلو و انا عامل فيها مغْنانِي...خبيت الصّواردْ في البـــانكة باش ما نكسّرهمشْ و قلت نزيد عليهم البريمْ متاع راسْ العامْ و كي العادة في الشتاء تهبط أسْوامْ الثلاجات نشري وحيّدْ ماركة باهية تشدّني 20 سنة أخرى...آكهو ..650 دينارْ و نْزيدهم 250 دينار يجيوْ 900دينار وكان لزمْ نتسلّف 100 دينار أخرى يجيبولي فريجيدارْ باهي.... و من بعدْ تفكْرْتْ يلزمْ نشريه قبل العيد الكبير باش اللحم متاع العلوشْ ما يفْـسدشْ على كل حال حتى العيد الكبير يجي في ديسمبر...دونْكْ المشْكلة محلولة..انا شاري الثلاجة مهما كانت الأسباب و رغم الداء و الأعداء و رغم غلاء الأسعار " فلو تعلّقت همّة المرء بما وراء العرش لناله" فما بلك يا حلاّج و انت تعلقت همّتك بثلاّجة؟؟؟؟؟ موشْ هذا بيت القصيد...، لقد صغرتْ في عين العظيم عظامها ..فلقد صغُرَ تْ الثلاّجة في عيني..لكن يا جماعة ها النهاراتْ هام يحكو على أزمة إقتصادية في أمريكا وصلت حتى لأوروبا و هاوْ بوش رفضولو مقترح الإصلاح في الكنغرس و وول ستريت في أزمة كبيرة و حتى ساركوزي قالكْ عْملْ إجْتماع بجماعة البنوك متاعْ فرنسا و ما بوشْ يسمعُولو حتى دعْوى و كلاتْ بعضها في بنوك العالم و ولتْ الحكاية قارصة شويّة المسألة باشْ تفوت أزمة 1929 متاعْ هاك العام...و احنا في تــــــونــــــس هام طالسِينْ و كلمة لا ..زمعة نحنا إقتصادنا بعيد على ها الحكايات الماسطة إللي نسْمعُو فيها في الأخبار...إقتصادنا محصّنْ لها الدرجة؟؟؟؟؟؟؟ تفكّر خوكم الحلاّج صواردو إللي في البانكة و هرب عليا النوم و بايت نخمم...باهي يا سيدي كي غدوة البانكة تصكّ صكة وحْدة و تقوللي إللي الله غالب بحكم ها الأزمة الإقتصادية إللي تعيشها أمريكا " أمّنا الحنون" راهو اضطرينا باش المدخرات المالية متاعك ومتاع الحرفاء الكرام اللي كيفي باش نتسلفوهم حتى يدورْ الزّيرو و تتفرهدْ الأمور و توّة نرجعهملكم انشاء الله بفائض مالي عالي جدا...ياخي موش قالو اللي الفلوس متاع 26/26 ندفعو فيها بعنوان سلفْ اوّل مرّة و تاوْ نحوهم من الأدءات اللي ندفعوهم كل عامْ للقباضة ؟؟؟ ويني الحكاية؟؟؟ما ثمّاش منها...تي بالحرام فرنْكْ لارجع لينا..... اسمع يا حلاج ما ترقدشْ على وذنيكْ، خمّمْ بلْقدا...راهي الزلْقة بفلْـقة..و راهو كان لمُّولكْ على الصّواردْ راهو بهيمْ و قدمْ قرْعة و اشْكي اشْكونْ باشْ يسمعكْ..انت لوّلْ و وإلا لخّرْ؟؟؟؟؟؟؟ خمّمت قرّرْت قرار لا رِجْعة فيه ...نهار الجمعة الحيْ..عَ الصباحْ نمْشي نجبدْ صْواردي و لاتباتْ ا لبانكة معلّمي و لا نباتْ صانعها...لكن آش باش يوصلني لنار الجمعة يا ولله عمْلة مشومة عملْتها في روحي ..واشْ باشْ نعمل في الفريجيدارْ...الله يهلككْ يا بوشْ فسّدتْ عليَّ العيد... و يا ربي بجاه ها العواشرْ وسيدي عبد القادر البغدادي تخلي الأمور هكاكة لنهار الجمعة للعشرة متاع الصّباحْ حتّى أللي نجْبِدْ فلوسي ...و من بعدها لا يــرْفــعْ فــاسْ على هــراوةْ انشاالله تسكر وول ستريت و تدقدق امريكا و معا
ها فرانسا خوكم انا صواردي تحتي و هوما لا يفكّرْ بيهم..... 
1 التعليقات
