قلنا اللي خذينا القرار متاع تعليق القوائم متاع الأعوان...و بالفعل صار التعليق فيما بعد...و مشينا للمطعم في حلق الواد طبعا بفيلق من السيارات الإدارية و الخاصة...دخلنا المطعم اللي و الحق يقال من الصنف الممتاز ..فرحو بينا و من حيث لا نعلم حطونا في حوطة مسكرة إلا من باب واحد و كأنهم خايقين علينا من الإختطاف...بدوا يحطوا في أنواع المأكولات ...حوت ..لحم ..سلايط عربي و سوري..مقليات و مشويات... عجين وغيره على كل ما تحب ياكريمة...و كأننا في عام المجاعة...انا ما نكذبش غليكم ما في باليش اللي الزرده هكه...نزلت على السلاطة و الخبز ومن بعد شوية حوت حسيت روحي تسقّمت..و من بعد كي ريت أنواع السمك و اللحوم ندمت اللي ضربتها قد قد بالسلايط..
توّة باش نقعدو ناكلو و ثمّاش شرب ؟؟؟؟ ناديت على النادل و قتلو هات لينا كعبة شراب بلان و 3 كيسان واعطينا الغلة...و خلي لينا كعبات الحوت و نظّف الباقي...ما حاجتناش بالباقي ..هز علينا...يرحم بوك...النادل جاب كعبة الشراب في سطل و شوية ثلج و السيد المدير اللى مقابلنا بدى يتمتم ...و يتلفّت لجنابو و بدى يكلم في مدير آخر ...الحاصيلو فهمنا اللي الجماعة يصلوا و ما يحبوش الخمر ...و هذاكة علاش طلبو فطور في خلوة...
ايه موش لازم يا معلّم....باللهي شوف لينا طاولة خارج ها القمقم..يعني الخلوة...و تلفت للسيد المدير و قتلو رانا في مطعم موش في جامع ؟؟؟ و اللي ما حبش الشراب ما يدخلش للمطاعم...و خرجنا ان و 2 الآخرين من الخلوة باش نشوفو و جه ربي، و نرتاحو من التعاسة اللي مقابلتنا
و احنا قاعدين رينا بعض من أقطاب المعارضة الوطنية المعترف بها تقوم بجمع الأنصار و المحبين من هذه المطاعم ...وفهمت علاش هوما ديمة خايبين و ما يربحوش حتى مقعد في مجلس النواب إلأ هديّة من السلطة ....قعدنا للبرّه وبدينا الفطور ...و ياس ما كان باس...هات لولة ..هات الكعبة الثانية...بداو الجماعة كل مرّة يتسلل منهم وحد و يجي حذانا..جاء لوّل ...الثاني ...الثالث...الرابع..بدت الحضبه تكبر ..الحاصيلو ولت جمعية كبيرة..اللي يشرب في لبيرة يشرب و عمل كويّس باستيس على خاطر خايف من المرا عمل و ثمّ زوز عملو ربع بوخة معاهم شوية ثلج...في الآخر ما بقاو ‘لا ثلاثة مديرين في الخلوة....عملنا جوّ موش خايب..و ضحكنا شوية على الجماعة كيفاش كانو خايفين من بعد جاتهم الشجاعة و العنترية و لحقوا علينا....
جات الفاتورة ...خلصوها بزايد 5 فطورات باش يعوّضو الشراب و ما يتحطش في فاتورة الحساب....فاهمين بعضهم من بكري...يظهر انو العادة هكه...خاصة بعد ما عرفنا فيما بعد اللي صاحب المطعم صديق شخصي للمدير العام و ولاد بلاد و هذاكة علاش المدير العام يحب يفطرنا عندو " حجّة و حويجة" يا خويا جماعة متاع مافيا بالحقّ....
من ما شربنا و شخنا خرجو ال3 مديرين بالضحكة الصفراء متاعهم...
- بالشفاء ليكم ...شيخو رواحكم يا شباب....و ما تنسوش كيما تفاهمنا من بعد الفطور روّحو على رواحكم.....
أية بالسلامهْ.....كملنا الفطور مع ماضي ثلاثة و رحنا كل واحد لدارو.....
يتبع ..........يتبع...........................يتبع..............................يتبع............
توّة باش نقعدو ناكلو و ثمّاش شرب ؟؟؟؟ ناديت على النادل و قتلو هات لينا كعبة شراب بلان و 3 كيسان واعطينا الغلة...و خلي لينا كعبات الحوت و نظّف الباقي...ما حاجتناش بالباقي ..هز علينا...يرحم بوك...النادل جاب كعبة الشراب في سطل و شوية ثلج و السيد المدير اللى مقابلنا بدى يتمتم ...و يتلفّت لجنابو و بدى يكلم في مدير آخر ...الحاصيلو فهمنا اللي الجماعة يصلوا و ما يحبوش الخمر ...و هذاكة علاش طلبو فطور في خلوة...
ايه موش لازم يا معلّم....باللهي شوف لينا طاولة خارج ها القمقم..يعني الخلوة...و تلفت للسيد المدير و قتلو رانا في مطعم موش في جامع ؟؟؟ و اللي ما حبش الشراب ما يدخلش للمطاعم...و خرجنا ان و 2 الآخرين من الخلوة باش نشوفو و جه ربي، و نرتاحو من التعاسة اللي مقابلتنا
و احنا قاعدين رينا بعض من أقطاب المعارضة الوطنية المعترف بها تقوم بجمع الأنصار و المحبين من هذه المطاعم ...وفهمت علاش هوما ديمة خايبين و ما يربحوش حتى مقعد في مجلس النواب إلأ هديّة من السلطة ....قعدنا للبرّه وبدينا الفطور ...و ياس ما كان باس...هات لولة ..هات الكعبة الثانية...بداو الجماعة كل مرّة يتسلل منهم وحد و يجي حذانا..جاء لوّل ...الثاني ...الثالث...الرابع..بدت الحضبه تكبر ..الحاصيلو ولت جمعية كبيرة..اللي يشرب في لبيرة يشرب و عمل كويّس باستيس على خاطر خايف من المرا عمل و ثمّ زوز عملو ربع بوخة معاهم شوية ثلج...في الآخر ما بقاو ‘لا ثلاثة مديرين في الخلوة....عملنا جوّ موش خايب..و ضحكنا شوية على الجماعة كيفاش كانو خايفين من بعد جاتهم الشجاعة و العنترية و لحقوا علينا....
جات الفاتورة ...خلصوها بزايد 5 فطورات باش يعوّضو الشراب و ما يتحطش في فاتورة الحساب....فاهمين بعضهم من بكري...يظهر انو العادة هكه...خاصة بعد ما عرفنا فيما بعد اللي صاحب المطعم صديق شخصي للمدير العام و ولاد بلاد و هذاكة علاش المدير العام يحب يفطرنا عندو " حجّة و حويجة" يا خويا جماعة متاع مافيا بالحقّ....
من ما شربنا و شخنا خرجو ال3 مديرين بالضحكة الصفراء متاعهم...
- بالشفاء ليكم ...شيخو رواحكم يا شباب....و ما تنسوش كيما تفاهمنا من بعد الفطور روّحو على رواحكم.....
أية بالسلامهْ.....كملنا الفطور مع ماضي ثلاثة و رحنا كل واحد لدارو.....
يتبع ..........يتبع...........................يتبع..............................يتبع............